الدرّاجة عَدُوَّةُ طِفْلُكِ

 

هذا الموضوع  يتناول نقطة مهمة فيها خطر على حياة ولادنا 
و خاصة الذكور ؛ غالبا ما يلعبو العاب قادرة تكون مضرة بالصحة تاعهم و قادرة تسببلهم اضرار وخيمة 
اللعبة هي الدراجة 
خوف الاباء عادة من الدراجات الهوائية هي انو الصغير يطيح تتكسر يدو او رجلو او يتخبط راسو 
و الخوف للاكبر الا كان يلعب برا تقيسو سيارة 
المشكلة انو الدراجة اخطر من هادا بكثييير 
لانو كسر سهل تجبيرو الا بعد على الراس 
ما فيهش ادنى خطر على حياة الطفل 
قادر الطفل يطيح و ينوض عادي متكسرش 
جاتو سلامات لكن هو في الحقيقة راهو هدم البنكرياس تاعو 
لازم تعرفي عزيزتي بلي البنكرياس  مستحيل الانسان يعيش بلا بيه ؛ خاطر يوفر انزيمات هضم مهمة و هرمون للانسولين 
عادة الحادث يكون اصطدام بطن الطفل بمقود الدراجة و  الاعراض تظهر بعد 6 اسابيع من الحادث يعني الطفل نسا تماما وش صرالو 

كيفاش نعرف بلي ولدي ضر البنكرياس تاعو ؟ 

الاعراض : 

1- الألم حوالي 5 سم فوق السرة في منتصف البطن و لا تروح شوية لليسار 
هاداك الالم يمشي للظهر و في منطقة محددة ميتحركش و فقط لما يلتوي المريص و يطبق على اثنين ( و كانو في وضعية الركوع ) ينقص عليه الالم  و يظهر الالم بعد الطعام لي فيه بزاف الدهون.

ملاحظة : نفس الالم ممكن نشوفوه عند المريص لي عندو التهاب في البنكرياس حاد لي يمس عادة النساء اكثر من الرجال.

2- الابن تاعك ممكن انو ينقص في الوزن تاعو مثال تلاخظي نقص من 5 الى 15 كغ في مدة شهر و نصف و هاذا راجع لنقص انزيمات للهضم بعني ماراهوش يستفاد من الماكلة لي ياكل فيها.

3- لما تمسي بطن ابنك ( رغم انو مش رح يخليك من الالم ) كاين امكانية تحسي كتلة صغيرة هاذيك راهي راجعة للكيس لي تشكل في بنكرياس تاعو.

ممكن الاعراض تظهر في اول مرة في شكل مرض السكري يعني الطفل يولي يشرب بزاف الماء و يدخل بزاف للحمام اكرمكم الله  ، ممكن يدوخ الا ماكلاش 

الا لقيتي جميع هاذ الامور  او على الاقل نوبة الالم الحادة حبسي ماكلة تع طفل و اديه لاقرب طبيب 

 

ملاحظة : الالم لي قتلكم عند المرأة هي حالة استعجالية و لازم تنتقل المريضة لمصلحة الاستعجالات الجراحية في اقرب وقت.

دمتم بصحة و عافية 

 

… شمس ضياء