الطريقة :
اوّل حاجة أعصري كمية كبيرة من البرتقال
3 كلغ كامل عصرتها دارتلي اكثر من 2لتر
السر يكمن في أنك كل ما تعصري تجوزي السائل في صفاية باش تتخلصي من كل حاجة تخلي فقط السائل صافي 100%
طبعا السائل تحطيه في إناء زجاجي
كي تكملي كامل العصر
تحكمي اناء ديري فيه 1 كاس ماء مع 1 كاس سكر و تحركي حتى يذوب كامل السكر فيه
بعدها تضيفي هذاك السائل المسكر في الطاس لي فيه العصير الصافي.
علاش درنا السكر في الماء ؟
لأنّو السكر ما يذوبش في البرتقال تم تم بسبب الأسيد لي فيها لوكان تعانديها تبقاي كل يوم تحركي باش يذوب
لذلك هذه العملية راح تنحي عليك عناء تخرجي كل يوم الطاس و تحركيه لمدة 4 ايام
بعد ما تخلطي الماء المسكر مع سائل عصير البرتقال لي راهم في طاس زجاجي غطي الطاس بفيلم غذائي و ديريه في الثلاجة
و ديري ماء باش يبرد في الثلاجة
كل ما تكوني راح تستعملي العصير اجبديه و خلطي ربع عصير و الباقي ماء في الكاس و عاودي غطي الطاس مليح
ردي بالك يدخل الهواء الى العصير
يعني ما تغطيش الطاس بغطاء و خلاص ضروري فيلم غذائي
و السر في الانتعاش هو خلطه مع ماء بارد
و الا مايجيكش منعش.
…شمس ساطعة
