المدة : 45 دقيقة العدد : 6 اشخاص الصعوبة : سهل جدا التكلفة : اقتصادي
المكونات
قطع دجاج
بصلة
2 سنينات ثوم
1 كلغ بطاطا
كمشة حمص مشمخ
بيضة
ملح
فلفل اسود
مغيرفة صغيرة قرفة
مغيرفة صغيرة كركم
زيت للقلي
مغيرفة سمن
معدنوس
ليمونة
الأدوات
طنجرة او كوكوت
مقلاة
موس
ملعقة خشبية
قالب فرن
صحن مدور bol
التَّحضير
المرحلة الأولى
حطِّي 2 مغارف زيت معاهم شويّة سمن في الكوكوت و قلِّي فيهم الدجاج و زيدي البصل و الثّوم و التّوابل و خليهم يتحمصو مليح حوالي 10 دقايق مع التَّحريك .
المرحلة الثَّانية
أضيفي الحمص و مرّقي بحوالي لتر من الماء و خلّيها تكمّل الطّياب حوالي 20 دقيقة أخرى
المرحلة الثّالثة
في هذي الاثناء قشّري البطاطا و قطّعيها مكعبات صغيرة أو كبيرة حسب اختيارك و اقليها في الزّيت
المرحلة الرّابعة
كي يطيب الجاج نحّيه من مرقتو و حطّيه في قالب فرن كبّي عليه مغيرفة زيت و دخّليه للفرن يتحمر لعدّة دقائق
المرحلة الخامسة
احكمي البيضة زيديلها عصير ليمون و شويّة معدنوس مقطّع رقيق ؛ ضرّبيها شوية و ديريها فوق المرقة البيضا خلّيها دقيقتين وطفّي النّار
المرحلة السادسة
قدّمي الكباب تاعك سخون حطّي البطاطا المقلية في صحن و معاها قطع الدّجاج المحمّرة و سقّيها بالمرقة البيضا و رشّيها بالمعدنوس مقطّع رقيق و زيّنيها بشرائح الليمون .
…شمس هنية
