المدة : 45 دقيقة   العدد : 6 اشخاص   الصعوبة : سهل   التكلفة : اقتصادي

المكونات

400غ لحم مرحي

250غ جلبانة

  2 حبات طماطم

  4 حبات بطاطا

  1 راس بصلة

  2 سنينات ثوم

  كسبر مقطع رقيق

  2 مغارف صغار كمون

  2 مغارف صغار قلفل احمر مطحون

  1 مغرفة صغيرة زنجبيل

  4 مغارف كبار زيت

ملح

فلفل اكحل

300ملل ماء

الأدوات

قدرة

ملعقة خشبية

سكين

صحن مدور

الاعداد

المرحلة الأولى

قشّري البصلة و الثوم و قطّعيهم رقيق و قشّري البطاطا و قطّعيها مكعّبات و اشوي الطّماطم و قشّريها و قطّعيها

المرحلة الثانية

في القدرة ديري الزيت على نار متوسّطة و زيديلها البصلة و الثّوم و الطّماطم و الكسبر و التّوابل (مغرفة صغيرة كمون و زنجبيل و فلفل احمر و الملح و الفلفل اكحل)  و خلِّي كل شي يتحمّص على النّار لحوالي 10 دقائق

المرحلة الثالثة

زيدي الجلبانة و البطاطا ثمّ الماء و خلّيها تطيب لمدة 20 دقيقة

المرحلة الرابعة

في هذا الوقت لمِّي اللحم المرحي مع الكسبر مقطع و الملح و الفلفل و مغيرفة صغيرة كمون و فلفل احمر مطحون خلّطيهم مليح و اعجني اللحم شوية و شكّلي كرات من اللّحم بحجم الجوزة

المرحلة الخامسة

اضيفي كرات اللّحم لمرقة الجلبانة و خلّيها تطيب 15 دقيقة

زيّنيها بالكسبر مقطع رقيق و قدّميها ساخنة

…شمس هنية

المكونات:

– 14 حبة تمر

– كاس كبير ونصف كاس حليب بارد

– نصف ملعقة صغيرة قرفة

– ملعقة كبيرة ماء زهر

– 3 ملاعق كبار زبيب

طريقة التحضير:

في البداية تاخذي التمر تنحيلو العلف، واديريه  مع الحليب في المطحنة الكهربائية، ضيفيلو القرفة وماء زهر و الزبيب، وخليهم يطحنو مليح ويتجانسو مع بعض في المطنحة الكهربائية.

وأمبعد حطيه في الثلاجة يبرد مليح ووقتها يكون جاهز للتقديم.

هذا العصير يناسب الأطفال  و الكبار إلي مايتناولوش التمر و  الزبيب بالرغم من الفائدة العظيمة تاعهم، وبالتالي بالطريقة هاذي رايحة  أدخليلهم التمر و  الزبيب في الحليب، بلا مانقلك على الذوق الرائع تاعها.

… شمس راقية

الطريقة :

قبل ما تبداي الشربة ديالك لازم تكوني غليتي لمدة 30د حمص ديالك باش تستعمليه يجي يذوب فالفم ماشي يابس

من بعد

عمري القدرة بالماء كمية تكفي افراد عائلتك

و الخضر أيضا على حسب الماء

و حطي القدرة فوق النار

و تبداي تضيفي المكونات بارد في بارد كيما نقولو

4 حبات بصل طويل

2 حبات طماطم كبار الحجم منزوعين القشرة و الزريعة

1 حبة بطاطا متوسطة الحجم

4 حبات جزر كبار

2 حبات لفت صغار او وحدة كبيرة

ربطة صغيرة قصبر

اضيفي الحمص لي هدرت عليه سابقا

اضيفي الفول حب فقط مقدار طاسة شربة صغيرة يعني 300غ تقريبا

ملح

كركم

فلفل اسود

فلفل احمر عكري

شوية برك عود القرفة

1 ملعقة كبيرة بذور الكتان

شوية كروية

2 ملعقة كبيرة طماطم العلبة

ديري النار هادئة كامل و خلي الشربة طيب لمدة 1 سا و 30د

كي تكمل المدة نحي كامل الخضر ما عدى الفول و حمص

شللي مليح الفريك ديالك حتى يتنقى مليح و ضيفيه للشربة و هي تغلي

خلي الكل يغلي مدة 5د

طفي النار

خلي القدرة تريح 15د او 30د حتى تتنفخ مليح الفريك

و قدميها مع الليمون

…شمس ساطعة