كرات البريوش المملحة

 

كرات البريوش المملحة

 

المدة : 45 دقيقة

العدد : 4 اشخاص

الصعوبة : سهل جدا

التكلفة : اقتصادي

 

المكونات

300غ فرينة

3 بيضات مضرّبين

كاس حليب

3 مغارف كبار قطع زبدة

1 مغرفة كبيرة خميرة الخبز

1 مغيرفة كبيرة سكر

250غ لحم مرحي

200غ شرائح الجبن او جبن مثلثات

100غ جبن مبشور (غرويير)

1 مغرفة صغيرة ملح

الأدوات

خفَّاقة يدوية

اداة قطع او صحن

مغرفة خشب

قالب فرن

فرشاة

 

التحضير :

 

المرحلة الأولى:

في وعاء خلّطي الحليب و السكر و الفرينة و البيض و الزّبدة ثم أضيفي الملح و الفرينة  حتّى الحصول على عجينة طريّة و متجانسة

المرحلة الثانية :

خلِّي العجينة ترتاح لمدّة نصف ساعة ؛ غطِّيها بمنديل نظيف في مكان دافي

المرحلة الثالثة :

في هذا الوقت طيّبي اللّحم المرحي في شويّة زيت و ملح و فلفل اكحل و قطّعي الجبن

المرحلة الرابعة :

بعدما ترتاح العجينة رشِّيها و رشِّي  سطح العمل بالفرينة و حلِّيها بالحلاّل ؛ مدّديها مليح حتى لسُمْك 1 سم ثم قطّعي مجموعة من الدّوائر باستعمال أداة تقطيع أو صحن .

المرحلة الخامسة :

في كلّ دائرة حطِّي مغرفة لحم مرحي و شريحة جبن و مغرفة صغيرة جبن مبشور ثم أغلقي الكرة و قلّبيها و حطّيها في القالب المدهون بالزبدة و الفرينة .

 

المرحلة السادسة :

خلّيها تريّح في مكان سخون (سخّني الفرن لمدة 5 دقايق و طفِّيه و حطي القالب فيه لمدة 15 دقيقة)

 

 

المرحلة السابعة :

سخّني الفرن لمدة 10 دقايق على درجة حرارة 180 مئوية و ضرّبي صفار بيضة مع مغرفة صغيرة حليب و ادهني وجه الكريّات بفرشاة المطبخ و رشّي سينوج للزينة إذا حبيتي و طيّبي البريوش لحوالي 15 دقيقة الى 20 دقيقة

 

ملاحظة :يمكن الاستغناء عن اللحم المرحي و الاكتفاء بالجبن

تُقدَّم كرات البريوش ساخنة مع سلطة خضرا لذيذ جدا .

 

…شمس هنية