كيف نبدأ ادخال الطعام للرضيع ؟

 باش تبداي الأكل لرضيعك أوّلا تبداي بواحدة من هذه الخضر : بطاطا، قرعة ، جزر

الفواكه : موز مرحي زائد ماء (سائل يعني باش يجيه سهل )

الشرط الأول : أن لا تخلطي بينهم قبل أن يجوز 24سا على الخضرة الأولى يعني اذا مديتيلهم بطاطا تستناي حتى غدا لتجريب الجزر

و هذا لامكانية معرفة اذا ما كان للرضيع حساسية من خضرا ما

يعني في الأسبوع الأول تجريب

مثلا :(مثال فقط و أنتي و اختيارك بما تبدأي )

الاول : بطاطا

الثاني : كوسة

الثالث : جزر

الرابع : بطاطا و كوسة

الخامس: بطاطا و جزر

السادس : كوسة و جزر

السابع : بطاطا، كوسة، جزر مخلطين

هذا برنامج من 6 أشهر و من الاحسن انتضار خروج أول سن

أما الطبخ : خالي من الزيت و الملح كليا و غليهم متفوريهمش لأنّ المبيدات و الجراثيم ما يروحوش بالتفوار و متخافيش ميروحوش الفوائد

أما القوام : خفيف جدا قريب يولي مشروب، ارحيه بالرحاية الكهربائية احسن و ماشي بالفرشيطة و زيدي ماء كثير

من الشهر ال 6 نفس الطريقة نقسي الماء كيما نقولو عصيدة، و تقدري تبداي الارز مغلي و مرحي بقوام سهل البلع،

من الشهر 9 بالفرشيطة

لوكان متبعيش هذي الطريقة الطفل ديالك يحس الاكل حاجة صعبة عليه خاطش بلعومو متعود على السوائل فقط و سيرفض الجامد كليا و بما أنو حتكون عندو ذكريات معاها فستتعبي في أكله

من الشهر 9 علميه الخبز أعطيلو قطعة طويلة من الخبز تفادي أن تجيفو قطعة صغيرة باش يتعلم النهش و جامي تخليه وحدو

من الشهر 10 ابداي تجربيلو جميع الخضر جميعها : باتنجال، شوفلور، بسباس، البيتراف (الشمندر السكري)، فلفل حلو، طماطم بدون قشور و بدون بذور

السمك الابيض مسموح من 6 أشهر مشوي (حذاري السردين غير مسموح قبل 1 سنة لأنّه سمك أزرق و كل الاسماك الزرقاء ممنوعة للاطفال دون 1 سنة)

البيض المغلى يقدر ياكل  الصفار من 9 أشهر، أمّا البياض  فيأكله من 1 سنة

العجائن من 1 سنة و ليس قبل، خاطش فيها الغلوتين و تقدر ديرلو حساسية.

الكمية تبدأ بعض الملاعق في اليوم في الأسبوعين الأولى، وتصبح صحن من 6 أشهر

المواقيت : على 11 سا

و في 10 سا فاكهة، 12سا خضر، 16 سا فاكهة، 19سا حليب، 19 و نصف أو 20سا نوم الى 6 سا صباحا حليب

تفادي كل ما هو أحمر قبل 1 سنة ماعدا الشمندر السكري يعني فواكه حمراء

ملاحظة جد هامة : باش تبداي توكلي لازم تكوني جيدة المزاج، و متفرغة، لأنك ستتعبي في 2 أشهر الأولى من الأكل جدا جدا، رضيعك لا يستوعب الامر بسرعة و اذا غضبتي أفسدتي الامر الى الابد

اجعلي وقت الاكل وقت ممتع و ليس عقوبة

و المهم جدا هو أن يجوع الطفل، لا تنتظري أن يأكل الطفل ان لم يجوع

عادة وقت الجوع من 3 سا الى 4 سا بين كل وجبة و أخرى حسب حركة الطفل كلما تحرك كلما جاع بسرعة، لا تتقيدي بوقت يساعدك نتي هو كي يجوع اعطيه

لا تتشتري الاكل اصنعيه بمفردك، ولادك مسؤولية ربي يحاسبك على واش توكليه

و كلما كان الأكل طبيعي كانت عندو مناعة أكبر و يقل المرض

لا للملح و السكر قبل 2 سنة

لا للياغورت، و فرينة لابلامين و الجماعة و الا وداعا للأكل الطبيعي

لا  للحلويات و القاطو

 

… شمس ساطعة