الزربية
اذا شفتو في المجلاّت و المحلاّت المخصصة للأثاث ولات حاجة منتشرة بزاف انو السجّادة تكون فقط تحت الطاولة فيما يخص الصالون.
و الحقيقة انو الديكور الصحيح هو ان تكون الزربية او السجّادة تحت كل قطع الصالون طبعا راح يجيك غالي انك
تشري زربية كبيرة بزاف انا معاك في هذه النقطة.
لكن على الاقل خلي الارجل الأمامية للكراسي او الفوتايات فوق السجادة لأنّو لوكان تديريها غير تحت الطاولة.
راح يبان الصالون فارغ حتى ولو كانت الغرفة صغيرة.
الستائر
بزاف من الناس يديرو الستاير اي الريدو بزاف صغيرة او بزاف فصيرة او بزاف طويلة و طايحة في الارض
يعني عشوائيا بدون دراسة مسبقة للأمر ,لذلك اليوم نشوفو مع بعض هذا المشكل و الحل ديالو
اوّل حاجة لازم تعرفوها هو واش هو الستايل لي راح تديريه في الغرفة.
يعني هل هي ستائر امريكية لي هي تكون طويلة و قايسة الارض و باش تحليها تجبديها نحو الجانب الايسر أو
الجانب الايمن.
أي لازم تكون طايحة في الارض و من الاحسن طيح بزاف يعني ماديريهاش مرفودة على الارض
أم هي ستائر من النوع الرومانية لي تترفد للفوق
بالنسبة للتعلاق تاع الستائر:
من الاحسن تلصقو الستائر مع بداية الحيط يعني تلحق السقف و ماشي عند بداية النافذة
و اذا امكانياتك ملاح من الاحسن يكون الديكور متقن اكثر بحيث تديريه مغلق يعني بيت الستارة (encastré)
لكن في حال ما اذا ماراكيش حابة ديريها مع السقف ديريها في الوسط يعني بين السقف و بداية النافذة و
ليس قريبة بزاف للنافذة.
الخلاصة كل ما طلعتيها للسقف تولي شابة و كل ما عرضتيها تولي شابة و كل ما قاست الارض تولي احلى.
…شمس ساطعة
