أحيانا يكون عندك طقم لباس جميل للخروج ولا للسهرة، وماتلقايش لون لطلاء الأظافر يناسب هذاك الطقم
في الحالة هاذي ما تحتاريش، بحيث أنو تقدري تصنعي طلاء أظافر ليك بنفسك وفي وقت قصير، من خلال أنو تستخدمي أي لون من ألوان ظلال العيون يكون جميل و يعجبك ويناسب طقم اللباس تاعك في نفس الوقت.
المكونات:
علبة طلاء أظافر شفاف
أي لون من ألوان ظلال العيون
عود تخليل الأسنان
طريقة التحضير:
تاخذي علبة ظلال العيون تاعك وتختاري منها اللون إلي يعجبك ويناسب لبستك
وفرغّيه بواسطة عود تخليل الاسنان
في قارورة طلاء الأظافر الشفاف
وحركيّه مليح بواسطة عود تخليل الأسنان حتى يتجانس طلاء الأظافر الشفاف مع ظلال العيون مليح.
وهاهو أصبح عندك طلاء أظافر هايل يناسب طقم الملابس تاعك
و تقدري تخدمي واحد بالملمّع
باش يناسب السهرات والأعراس.
… شمس راقية
