كاينة جزيرة صغيرة في شمال استراليا يسكنها شعب مكون من 2200 شخص….
لغاية التسعينات ماكانوش يعرفو الكهرباء و لا السيارات و لا الهواتف.

     اكتشفو العلماء انو سكان هذي القرية ماظهرتش عندهم ولا حالة وحدة من مرض
الضغط او زيادة الوزن او سوء التغذية و لقاو بلي اصابات الذبحة الصدرية
عندهم نادرة جدا جدا

    وكي تم فحص سكان الجزيرة للبحث عن نسب اصابتهم بحب الشباب 2200 شخص من
بينهم 300 بعمر من 15 الى 25 سنة يعني سن عز ظهور حب الشباب كانت النتيجة
ماكاش و لا حبة وحدة ….حتى واحد من الناس اللي فحصوهم عندو حبة وحدة في
اي مكان من اماكن ظهور حب الشباب ..

    سكان الجزيرة يعيشو في صحة جيدة جدا و يموتو فقط من الشيخوخة و ممكن بعض
انواع العدوى او مضاعفات الحمل و الولادة و حوادث وقوع ثمار جوز الهند فوق روسهم

كي يفوتو تحت الشجرة …في الوقت اللي 90% من مراهقي العالم
يعانيو من كابوس حب الشباب خارج هذي الجزيرة و 40% من البشر فوق سن 25
سنة يعانيو من الضغط و 35% من سكان العالم فوق ال20 سنة يعانيو من زيادة
الوزن ….اما الدول الاغنى قليلا كيما الماريكان معدلات الاصابة اعلى
بكثير و تشمل نصف السكان …

    الاطباء يظنو انو اسلوب الحياة البسيط اللي يعيشوا بيه سكان الجزيرة و
نوع الغذاء اللي ياكلوه و المجهود الكبير اللي يبذلوه للحصول على غذاءهم
هذا كيما الحوت اللي يصايدوه و الثمار اللي يجمعوها من الغابات القريبة و
المحاصيل القليلة اللي يزرعوها هذي هي العوامل اللي ممكن تكون السبب في
صحتهم الجيدة  و وقايتهم من الامراض …بمعنى انو حب الشباب و امراض
الضغط و القلب و السمنة …كلهم ممكن يكونو امراض خلقهم اسلوب الحياة
اللي يعيشوها الناس و اللي مختلفة تماما عن الاسلوب الي عاش بيه الانسان
لفترات طويلة جدا في العصور السابقة …

 

… بائعة أزهار