خلطة الرائعة لازالة اثار الشمس
راح تلاحظو الفرق من اول استعمال
المكونات:
2 ملاعق كبار حليب بودرة
ملعقة كبيرة نشاء
قطرات من الليمون
نلم بماء الورد
طريقة التحضير :
نخلط المكونات الجافة مع بعض
نبدا نضيف ماء الورد تدريجيا حتان نتحصل على قوام كريمي
من بعد نضيف قطرات الليمون
تكثري كي تكون بشرتك دهنية
و تنقصي كي تكون بشرنك مختلطة
ممنوع للي بشرتها حساسة ولا جافة و لا لي عندها اي نوع من الحساسية الجلدية و لو في منطقة اخرى من الجسم
مثال انا عندي اكزيما في اليدين منديرش الليمون مع انو بشرتي مختلطة

الان تنظفي البشرة تاعك مليح تنحي اي شوائب او اي بقايا المكياج
و الافضل تستعملي قطنة فيها زيت جوز الهند و تحكي البشرة تاعك
راح تتفاجئي بكمية المكياج لي راح تخرج رغم انك غسلتي مليح
صراحة انا هاذي هي طريقتي كي نحي المكياج و فادت بشرتي جداااااا
الان نوصلو باش نحلو المسامات
تحطي شوية ماء في كسرونة
و زيدلها اعشاب لي عندك ممكن شوية نعناع
شوية شاي
تخليه يغلي
راح نستعمل البخار تاعو
راح نحط منشفة على الرأس بحيث كي نهبط راسي على الاناء كل البخار يجي للبشرة
الا حسيتي البخار قاعد يجيك خلاص
لكن كي يبرد الماء يولي ما يبخرش
انفخي غير بشوية عليه راح يجيك البخار و الرائحة الرائعة
تحسي وجهك سخن مليح
خلاص نشفيه بهاذيك المنشفة
و حطي الخليط
و زعيه بشكل متساوي و حاولي تبتعدي على منطقة حول العين
و خليه ينشف
في هاذ الوقت صفي هاذاك الماء و استرخي و اشربيه تيزانة
الفساد حرام 
بعد حوالي 20 الى 30 دقيقة راح تلقايه نشف
هنا يجي جزء التقشير
حكي الوجه تاعك بحنانة و بطريقة دائرية
بعد ماتكملي اغسلي وجهك مليح بالماء الدافئ
بعدها اغلقي المسام بالماء البارد
بعدها يمكن تستعملي الصابون او غاسول للوجه لي حبيتي
ممنوع كي تكون المسام مفتوحة
بعدها حطي اي كريم ترطيب لي عندك
الا معندكش ممكن تحطي زيت جوز الهند او زيت زيتون لمدة 10 دقائق و اغسليه من بعد المهك تغذي البشرة تاعك

 

…شمس ضياء