في الدنيا خديجتان 
زوجة الرسول صلى الله عليه و سلم 
و خديجتي 
هادي العبارة قالها شيخ كبير في بداية القصة ،شعرو ابيض و عينيه بسيف يحلهم  قريب يبياضو من الحزن على زوجتو لي ماتت 
و في اخرها قال : و الله يشهد علي انني اتمنى ان تعود خديجتي يوما واحد لاكون عبدا تحت قدميها 
و انا قلت كون ترجع خديجة للدنيا نسألها وش دارت باش ترضي زوجها لهاد الدرجة تخليه يذكرها و يحزن على فراقها الحزن هادا كامل 
خلوني نحكيلكم القصة باختصار 
يقول انو كان في 14 من عمرو و ناس زمان يزوجو ولادهم و هوما صغار 
الوالدة تاعو اقترحت عليه بنت من حي تاعو اسمها خديجة عمرها 8 سنوات 
قال انا رفضتها لانها كانت سمراء البشرة و جد نحيلة و انا كان من زيني و شبابي لي يخليني نختار اجمل البنات 
مرت السنوات حتى وصلت لعمر 24سنة و هي 18 سنة و عاودت امو جبدت نفس العروس لولدها 
قال صليت الاستخارة و شفت اني نتشاجر معاها و هي هاربة مني  
قال قبلت بالامر ارضاءا لوالدتي و خطبتها و قبلو والديها 
بعد خطبتنا سألتها شفتيني مرة في المنام قاتلو نعم شفتك و كنا نتشاجرو و كنت هاربة منك 
قال بعدها قلت خلاص هي راهي القدر تاعي 
و مرو الايام حتان عام فيفري 2006 وين مرضت زوجتي و تركتني
و من هاذاك الوقت و انا وحدي ، يقول خلاتني كل هادي المدة ( و ذكر عدد الايام ) حاب نعرف فقط وش درتلها حتى تخاصمني كل هادي الفترة 
تخيلو يحسب عدد الايام من نهار لي توفات !!!!
يشهد انها عاشت معاه 53 سنة و ذكر عدد الايام لي عاشتها معاه !!! و قال مخالفتنيش يوم واحد 
اطاعتني ، قامت ببيتها و خدمتها عاونتي و جابتلي 7 اولاد واحد فقدناه و الستة الباقيين من الصالحين 
اين نحن من هذا؟؟ 
لو تشوفو هاداك الشيخ كيفاش يحكي على ( خديجته ) تبكو بدل الدموع دم 
تخيلو زواج مدة 53 سنة من امرأة تزوجها فقط ارضاءا لامه 
و ولا يعشقها حد الجنون 
الى درجة انو بعد وفاتها يقول انو الشيء الوحيد لي نديرو اني نمشي بين الجبال من جبل الى جبل نحوس عليها ممكن تظهر امامي في اي لحظة 
و لمدة 11 سنة كل يوم نادي ( خديجتي تعالي و خذيني معك ) 
حد ااجنووون !!!
يقول في هاد الدنيا خلقت خديجتان ، زوجة النبي و خديجتي 
و انا قلت هكا من شدة صلاحها 
انا شخصيا غرت منها و حابة نعرف فقط سر صلاحها و طاعتها لزوجها 
لي تعرف خديجة دلني عليها 
…شمس ضياء