زمان كنا كي نتكلمو على نوع تاع الشعر نقولو “شعر ناشف” “شعر مزيّت” “شعر نص نص” “شعر عادي” بصح في ياماتنا هادو ولا مفهوم نوع تاع الشعر واسع ومتعمق، في وقتنا هذا ولينا نقيمو نوع تاع شعرنا من خلال حجمو  وشكلو: سواء كان ملمسو ناعم، متوسط، خشين أو متموج، املس، مجعد…من بعد نشوفو لطول تاع الشعر ومستوى معالجتو ونجمعو هدي المعلومات باه نخيرو نظام العناية اليومي الأفضل لشعرنا، اذا تمييز نوع تاع شعرك يعاونك باه تتعاملي مع شعرك من ناحية الاهتمام بيه وتوفير احسن مستحضرات الشعر لي توالمو بشكل اكثر فاعلية.

نوع تاع الشعر هي أنك تفهمي نوعيتو ويدخل فيها كثافتو ، ملمسو ، مساميتو ، مرونتو  و شكل التجعيدات، مصففو الشعر يقدرو يستعملو نوع تاع شعرك باه يقدمولك احسن تسريحة، أحسن لون، وأحسن منتجات للتصفيف.

الطريقة 1 : تحديد كثافة الشعر 

كي يقلك واحد شعرك  خشين معناه هذا الشخص راه يقصد كثافتو لأن الشعر “الخشين” يشير تقنيًا لعرض تاع  خصلة الشعر (الخصلة هي قطعة من الشعر )، اذا  كثافة الشعر تبين كمية تاع الشعر لي عندنا بالفعل، على هذي نقدرو نقيسو الكثافة تاع الشعر  عن طريق حساب عدد الشعرات لكاينة في بوصة واحدة(بوصة=2.54سنتيمتر) من فروة رأسك في المتوسط كل واحد  عندو 2200 شعرة  لكل بوصة مربعة (1 بوصة مربعة =6.45  سنتيمتر مربع) من الشعر على الفروة تاع الراس ، لذلك يمكن أن يكون العد مهمة شاقة.

طريقة أخرى لقياس الكثافة التقريبية هي انك ديري تسريحة ذيل الحصان وقيسي محيط الذيل.

بدلا من ذلك ، يمكنك تقدري كثافة شعرك من خلال فروة راسك يعني قداه تقدري تشوفي منها:

– شوفي  في المراية واقسمي شعرك في النص (استخدمي اصابعك او المشط)

-أحكمي خصلة من شعرك من أحد الجانبين وحركيها شوية هكاك تقدري تشوفي جذور شعرك من زوايا  مختلفة

-تقدير كثافة شعرك : كثافة شعرك في الاساس تعني قداه عدد الفروع لي تغطي شعرك ،انظري لجذور شعرك وفروة راسك قداه تقدري تشوفي منها في منطقة بحجم بوصة مربعة

-كثافة سميكة: كي متقدريش تشوفي فروة راسك خلاص

-كثافة متوسطة: اذا شفتي شوية من فروة راسك

-كثافة ضئيلة: اذا شفتي بزاف من فروة راسك

اختبري منطقة اخرى من شعرك ،تقدر تكون كثافة شعرك مختلفة من منطقة لاخرى

وش تعني معرفة كثافة شعرك؟

معرفة كثافة شعرك يعاونك أنك  تتاخذي  قرارات اكثر ذكاء مش برك في التسريحات لي تقدري ديريها ولي توالمك ، ثاني في المنتجات لي تستخدميها باه يكون شعرك اكثر صحة وحيوية ،استخدام المنتجات الخفيفة في الشعر الاقل كثافة مفيد باه يخلي شعرك ما يفقدش حجمو وميوليش يبان دهني وبلا حياة, المواد الهلامية والكريمات السميكة عادة ما تكون مثالية للشعر المجعد عالي الكثافة وتحافظ على شكل الشعر وملمسه،الشعر متوسط الكثافة يعمل بشكل مليح مع بلسم leave-in خفيف ( هو منتج يوضع على الشعر المغسول حديثا ويترك دون شطف حتى الغسل التالي ) ورذاذ بلسم leave-in

الطريقة الثانية:   تحديد نسيج الشعر / القطر                                                                                                                      

 يتم تحديد نسيج الشعرعن طريق قطرتاع الشعرة نفسو ،الشعر الجميل او الناعم عندو اصغر قطر،  والشعر الخشن عندو اكبر قطر


لتحديد نسيج شعرك:

-أغسلي شعرك كالعادة ،وخليه ينشف (متستعمليش السيشوار) نشفيه بالفوطة

-قطعي خيط تاع الخياطة بطول 13-17سم(خيط عادي ولا  خيط يكون اخشن كيما لي نستعملوه باش نخيطو الاقمشة الثقيلة)

-اجبدي شعرة من شعرك لي شيحتيه حاولي تكون شعرة كاملة (وسط الراس احسن بلاصة تنحي منها عينة من شعرك) شعرك لازم يكون ناشف ومفيهش حتى منتج من منتجات التصفيف

-حطي الخيط وشعرتك بجانب بعضاهم على ورقة بيضاء

-قارني بين الخيط والشعرة باستخدهم عدسة مكبرة ولا مرآة مكبرة

-اذا كانت شعرتك مجعدة مدديدها شوية باه تقدري تقارني

شعر ناعم (رقيق): اذا كان سمك شعرتك ارق من قطعة الخيط

شعر متوسط: اذا كان سمك شعرتك مساوي لقطعة الخيط

شعر خشن: اذا كانت شعرتك أسمك من قطعة الخيط

نسيج شعرك يلعب دور مهم بزاف في كيفاه تعتني بشعرك مش برك في العناية اليومية ثاني عند استخدام اي منتجات كيميائية كيما الصبغة والفرد…

بالنسبة للشعر الناعم  فهو ناعم ،مرتخي ،مرفرف ونسيجو رقيق  يقدر يكون أملس او مموج من الصعب الحفاظ على تسريحتو لانو دهني وينكسر بسهولة

الشعر المتوسط يمكن أن يحافظ على تسريحات الشعر بشكل أفضل ويبدو أكثر سمك وغزارة وأكثر مقاومة للتكسر 

الشعر الخشن او الكثيف يحوي بزاف النسيج واكثر عرضة للتجعيد ويمكن انو يتساقط في الطقس الرطب ويستغرق وقت أطول باه يجف، لكنو قادر على تحمل الحرارة ،منتجات تصفيف الشعر،الصبغ والتكسر أكثر من الشعر الناعم او المتوسط باه نرطبو هدي الخصل ونغطيو التجعيدات لازم نستعملو منتجات اكثر ترطيب

قطر الشعر ما عندوش علاقة بكثافتو ،القطر المتوسط ما يعنيش بالضرورة كثافة متوسطة ؛ الكثافة تعتمد على عدد الفروع أو الخصل لي عندك مش سمكها ؛يمكن يكون عندك شعر ناعم سميك أو شعر خشن رقيق.

يساعد تحديد قطر  الشعر وكثافته على تضييق نطاق المنتجات التي لازم علينا استخدامها يقول أحد مصففي الشعر المشهورين”سيحتاج شخص ذو شعر كثيف وخشن إلى منتجات تنعيم.” “بينما يحتاج الشخص ذو الشعر الأقل كثافة ولكنه لا يزال خشنًا إلى منتج للتكثيف.”

…شمس دافئة