كيف تجذب شخص ليستمع الى كلامك ؟

أكيد حصل معاك وين تجاهلك شخص او لم يهتم لما تقول او لما تفعل
في هذا المقال راح نحكي على هذا النوع و كيف تجذب اهتمامو و يسمعك
و اذا ما اهتم ليك راح نتعلم ايضا كيف نتصرف في هذا الموقف
تبعو معايا النقاط المهمة لي لازم كل وحدة تعرفها و تتعلمها :
1- الثقة بالنفس منبع القوّة :
يعني تكوني واثقة من روحك و دايما تقولي عادي … شيء طبيعي … اي انسان يقدر يجاهل انسان اخر …
لكن انتي لازم تكون عندك الثقة انك قادرة على ان تجذبي اي انسان ان يهتم بكلامك و بكل كلمة تنطقي بيها و يهتم بيك شخصيا
اذا خلي ثقتك في نفسك عالية.
تقبّلي الانتقادات البنّائة بصدر رحب و صبر عالي جدا
لكن اي انتقاد فيه سلبيات تجاهليه تماما … طبعا هذا لا يعني انك راح تقدري تتجاهلي دايما … راح طيحي مرات في مواقف تقولي لا هذا الانسان ما لازم نسكتلو و لازم نرد عليه.
المشكل انو لو رديتي عليه راح تتأكدي انو جوابك عليه راح في الهواء، لانّو هذا الشخص لم ينتقدك الاّ لضُعْفْ في شخصيتو و حاب يظهر نفسو لكن بطريقة خاطئة.
لذلك ركزي على الانتقادات البنّائة و تجاهلي كل الانتقادات لي تجي من الاشخاص لي تنتقدك فقط لمجرد الانتقاد.
2- تحليل هذه الشخصة و صفاتها :
اوّل مُهِمة نعطيهالك هي تححلي شخصية هذا الشخص المتجاهل و المنتقد
هل هو طيّب ؟
لأنّ الطيّب تقدري بكلمة واحدة تسعديه و تدخلي الفرحة الى قلبه.
هل هو يتجاهلك لأنه زعفان منك ؟
أمّا هذه الأخيرة :
هل هو متكبّر ؟
هل هو خبيث ؟
هل هو شرير ؟
فالتعامل مع هذه الشخصيات يجب ان يكون بالتجاهل التام و المطلق
مثال : انت واقفة و شفتي جماعة على اليمين و الشخص هذاك يعني المتكبر او الخبيث او شرير على اليسار انظري و كأنه ليس موجود
و هذا لا يعني انو تنقطعي عليه تماما … عادي قولي سلام عليكم او مرحبا بشكل سريع و روحي للجماعة لي على اليمين بحيوية و حماس و طاقة لكن مع الشخص الاخر خليك عادي جدا بمنعى تجاهليه.
خليكم معاهم رسمين و بادلوهم بالدل … قالك سلام قولي سلام … قالك اهلا قولي اهلا .. قالك اساءة طنشيه
انتي جربيها والله و راح تشوفي هذيك الطاقة الايجابية لي راح تجيك لمّا تشوفي هذاك الشخص و قولي في قلبك موجود ؟؟ كاين كاش واحد هنا ؟ لالا ما كان حتى واحد و عيشي اللحظات بتجاهله و كأنه مكاشو كامل.
3- جذب الشخصية المتجاهلة :
شوفي اذا حبيتي تجذبي اهتمام الشخص المتكبر او المتجاهل لك لازم تحكي في مجال يهتم بيه هو او اي حاجة تعرفي انو يحبها.
طبعا لازم انتي ديري دراسة على هذا الشخص و تشوفي في واش يهتم هذا الشخص
نفرض انو هذا الشخص يهتم بالرسم
انتي احكمي ورقة و الوان و ابقاي ترسمي
تلقايه وحدو يجي ليك و يحب يعرف واش راكي ديري و يقولك راكي ترسمي ؟ وريلي … ما نعرف واش … تلقايه هو يتفاعل معاك كي يشوفك انت تديري الحاجات لي هو يهتم بها.
جربي هذي الطريقة لكن بدون ما تلمحي للامر … ارواح شوف … او راني نرسم او او …. لا لا لا خليه وحدو يجي ليك.
4- تقرَّبِي من الاشخاص لي يعرفهم :
اذا حبيتي تلفتي انتباه شخص يتجاهلك تعرفي و تقربي من الاشخاص لي يعرفهم هو و تفاعلي معهم و اضحكي و احكو و كلش و هو موجود و هو تلقائيا لأنّك اصبحتِ مقربة من مقربيه راح يجرب يتفاعل و يلين.
نعاودو نحكو على الثقة، دايما كي تحكي احكي و انت كلك ثقة بكلام متوازن و طبيعي
فكلما كنت تتكلمين بثقة قدام الناس و قدام الجميع بوجود هذا الشخص كلما اصبحتي بمكانة اعلى في اعينهم.
فارسمي شخصيتك و حدديها.
5- تكلمي فقط عندما يسمع الجميع :
قبل ان تبدئي الكلام تأكدي انّ الجميع يسمع فيك و يصنتلك و لو بعض الاشخاص كانو يهدرو او بقاو ساكتين دون تفاعل توقف عن الحديث حتى يسكتو و ينتبهو.
بهذه الطريقة راح يتعلمو انو طريقتك في الكلام هي انو لازم يسمعلك و يترك كل حاجة في يدو و ينتبهلك
خليك دايما رمز للتفاؤل و السعادة و انشري الخير للجميع