كل وحدة وقتاش عندها فكرة على الوقت المناسب للزواج
كاين لي تقولك كي نكمّل قراية نتزوج
كاين لي تقولك غير ندير 18 سنة نتزوج
كاين لي تقولك غير يجيني عريس ما يتراطاش نتزوج
كاين لي تقولك ماما عندها صحاباتها ضرك غير تخطبني وحدة لوليدها نتزوج
و كاين لي تقولك أنا عندي رغبة في الزواج و الارتباط بشخص ما
لكن الوقت المناسب للزواج و الصحيح طبعا لي الواحدة لي ساعفها الحظ هو ما بين 18 و 25 سنة
و هي العلاقات لي تكون فيها طويلة المدى و جميلة للأشخاص لي يتزوجو في هذا العمر طبعا نتحدث على الناس لي عندهم نمو نفسي و عقلي صحيح
و لوكان وحدة فيكم راهي تقرا في هذا الموضوع تخمم مع روحها تلقى أنو العلاقات لي بناتهم ما بين السن 18 و 25 هي العلاقات لي امتدّت فترة طويلة بينها و بين الأشخاص لي عرفتهم في تلك الفترة
و هذه الفترة بين 18 و 25 سنة هي تعتبر العمر الذهبي لتكوين العلاقات لي مبنية على المودّة و الرحمة و الحب
أما الوقت المناسب للانجاب عند النساء هو مابين 20 و 35 سنة حسب العلماء البريطانيين و نفس الشيء بالنسبة للرجال تبلغ عندهم ذروة الرغبة و القدرة على الانجاب بين 18 و 35 سنة
أما الخصوبة عند النساء تكون بين الفترة 20 و 24 سنة
الآن موجه السؤال ليك أختي …. متى تتزوجي ؟
الآن راكي في عمر مناسب… كمّلتي قرايتك … لقيتي شريك الحياة ولا جاك شريك الحياة … عندك القدرة على تحمّل المسؤولية من ناحية المال، الجهد، و الوقت
هل أتّخذ قرار الزواج الآن ؟
نعم اذا كانت متوفرة فيك غالب هذه الأشياء و من أهمها القدرة على تكاليف الزواج من الناحية المادية و من ناحية الجهد و الوقت
افضل وقت لاتخاذ قرار الزواج هو عندما تشعرين بشوق شديد لشريك أكمل معه رحلة حياتك
رحلة الحياة : يعني تفرحي أنتي و هو مع بعض، تحزنا مع بعض، تنجحا مع بعض و تفشلا مع بعض
تشكلان اسرتكما و تعيشوا حياتكم
نتمنى الدرس الثاني ساعدك على تكوين فكرة متى يتزوج الانسان و ساعدك في اتخاذ القرار في الرغبة في الزواج
