امرأة سقسات زوجها سؤال
و قاتلو جاوبني بكل صراحة
اكيد هو توقع اي سؤال من اسئلة دلع او غيرة النساء
لكن السؤال لي سألاتو اازوجة الذكية مختلف تماما
هي كانت تحاول تدرس زوجها ، شخصيتو ، تجتهد في ادق التفاصيل باش تكون المرأة المناسبة في الوقت المناسب و رغم غريزتها ترفَّعتْ عن الغيرة
سألاتو : وش هي الاوقات المحددة لي يحتاج فيها الرجل انو زوجتو تحتضنه
اكيد انت كامرأة رح تستحي تسألي الزوج تاعك هاذ السؤال
هي كانت تتوقع الاجابة تكون : في وقت التعب از وقت الشدة ، ربما كي يحس بالضعف ؛ اكيد انت ايضا قلتي سؤال منطقي و هادا هو جوابه.
و هاد هو تصور كل امرأة عربية بعد ما بينلها الرجل الشرقي انياب الشراسة تاعو و جفاف احاسيسو
و هو يحاول يخفي الجانب الضعيف من الجبل القوي
و بعد ما زرعت العادات و التقاليد في راسها قصة انو الرجل جماد ميحسش كيما تحس المرأة
صح ميحسش كيما هي اكيد اقل
لكن الاحساس موجود
تعرفو واش كان جواب الرجل؟
……. كل وقت…….
ازواجنا قبل اطفالنا بحاجة الى الحنان.
كون جا محتاج التكشير و التشناف لي راه يشوفو غالب الأوقات فيك كان راه عمرو ولا تزوج.
متنسايش حق زوجك من الحنان لي بعثو ربي فيك كأنثى ماشي كلش تعطيه لولادك ؛
هو طبعا ماراحش يكون ضد حنانك لولادك، لكن كاين ما يكفي للجميع لماذا التمييز؟
مدّي حنانك ما تخافيش ماراحش يخلاصش ؛ بالعكس أكيد راح يزيد.
و ربي يدوم المحبة و المودة بين كل اثنين و كل النّاس…
… شمس ضياء
