المدة : ساعة   العدد : 10 أشخاص  الصُّعوبة : متوسط   التَّكلفة : اقتصادي

المكونِّات

2كلغ خوخ

1كلغ سكر

الماء

الادوات

وعاء للحمام المائي

كسرولة

ملعقة خشبية

التَّحضير

المرحلة الأولى :

قشّري حبَّات الخوخ و قطّعيهم قطع صغيرة تاع 4سم عرض و 2سم ارتفاع و حطِّيهم في كسرولة كبيرة .

المرحلة الثَّانية :

أضيفي الما بحيث تغمريها بزيادة حوالي 4سم فوق الخوخ .

المرحلة الثَّالثة

زيدي كيلو السُّكر و خلِّيها تغلي على النَّار لحوالي 40 الى 50 دقيقة بحيث يذوبو قطع الخوخ ثمّ طفِّي النَّار و خلِّيها تبرد لمدّة 10 دقائق.

المرحلة الرَّابعة :

هرّسي مليح قطع الخوخ و حطِّي الإناء فوق حمّام مائي و خلِّيه يغلي لمدّة عشر دقايق ؛ غطِّي مليح إناء الخوخ باش مايدخلوش الما ؛ و مبعد نحِّيه من النَّار .

احفظي العصير في مكان جاف و بعيد على الضو باش تحافظي على نوعيّتو المنزلية ؛ و إذا درتي كميّة قليلة باش تتناولوها حطِّيها مباشرة في الثلاجة تقدر تبقى أسبوع.

 

…شمس هنية

 

 

 

المكونات:

كاس صغير سكر

كاس صغير زيت

كاس صغير حليب

نص كاس صغير ماء الزهر 

2 حبات بيض

1 خمارة الحلوة

كمية من الفرينة

 

للتزيين:

عسل أو سكر ناعم ( اختياري)

 

طريقة التحضير:

تاخذي صحن عميق حطي فيه السكر والزيت والحليب والبيض وماء الزهر والبيضتين وخلطيهم مليح مع بعض، أجمعي المكونات بالفرينة حتان تتلم العجينة وضيفيلها كيس الخمارة الكيميائية، كي تتحصلّي على عجينة طريّة

حليّها بالحلال وأطبعيها حلقات.

أقلي هاذوك الحلقات في زيت يكون سخون شوية، أقلبيهم على الجانب الآخر حتان تكملّي كل الكميّة إلي عندك.

في الأخير تقدري تعسليّهم أو ترشّي عليهم سكر ناعم وقدميّهم مع القهوة أو الأتاي.

… شمس راقية 

 

الطريقة :

في قدر نضع ماء يكفي طبخ الخضر

نشعل عليه النار و في تلك الاثناء نبدا نحضر الخضر

نقي 4 حبات بطاطا

8 حبات جزر او 10

1 كورجات

1 لفت

زوج سنات ثوم منزوعين العرق لي الداخل يعني نقي السن و اقسميه على زوج و نحي هذاك النخاع لي تلقايه الداخل

فنجال تاع أرز تكوني غسلتيه حتى اصبح الماء شفاف

حطي في الماء الخضر

شوية فقط زيت

ملح

خليها طيب مليح

كي تشوفي انو كلش طاب مليح

طفي عليها

زيدي عليها كمون فقط

ارحي الكل

ملاحظة : من الأحسن ماديريش بزاااااف الماء باش كي ترحيه يجي خاثر

ربي يشفي مرضانا و مرضى المسلمين

 

…شمس ساطعة

 

 

المكونات:

14 حبة تمر

– كاس كبير ونصف كاس حليب بارد

– نصف ملعقة صغيرة قرفة

– ملعقة كبيرة ماء زهر

– 3 ملاعق كبار زبيب

 

طريقة التحضير:

في البداية تاخذي التمر تنحيلو العلف، واديريه  مع الحليب في المطحنة الكهربائية، ضيفيلو القرفة وماء زهر و الزبيب، وخليهم يطحنو مليح ويتجانسو مع بعض في المطنحة الكهربائية.

وأمبعد حطيه في الثلاجة يبرد مليح ووقتها يكون جاهز للتقديم.

هذا العصير يناسب الأطفال  و الكبار إلي مايتناولوش التمر و  الزبيب بالرغم من الفائدة العظيمة تاعهم، وبالتالي بالطريقة هاذي رايحة  أدخليلهم التمر و  الزبيب في الحليب، بلا مانقلك على الذوق الرائع تاعها.

 

 

 

… شمس راقية

 

 

الطريقة :

تحكمي التمر لي ماشي شباب يعني شفتي مرات نشرو تمر و ما يعجبوناش شي حبات

او تشري التمر الرخيص في السوق

خاطش هو الرب ما يندارش بالتمر المعسل

نقيه من العلف و اغسليه و حطيه يغلي حتى تتحصلي على الماء يولي لونو احمر داكن

وحد 2 سا ولا 3 سا فوق النار هادية

تحكمي تصفيه و تخليه يقطر بعقلو

تحكمي هذاك السائل الاحمر الداكن و ديريه في كسرونة و تخليه يزيد يطيب لكن بشرط تكون النار قليلة حتى يعقد خاطش لوكان تزيدي 

للنار راح يولي كاراميل و تروح بنة التمر

كاين لي يديروه جاري بزاف يوصل لدرجة غليان 105° و كاين لي يديروه عاقد يوصلوه حتى 108° او 110°

 

و هذا طيبيه كي يكون موسم التمر باش نهار يخرج التمر في جانفي، فيفري، مارس و افريل هاذو كامل ما فيهمش التمر تاكلي الرُبْ

مع الطعام

مع الخبز

ديرو بيه الشربات زيديلو الماء البارد عليه

 

 

التنبيه :   حبيت نبه تاني لحاجة هو ماشي دواء هو فقط مادة غذائية مليحة للجسم اذا ردو بالكم يخدعوكم

و الرُبْ تقدري تديريه بأي فاكهة بنفسك الطريقة

مثلا الرمان

التفاح

الايجاص

العنب

 

 

…شمس ساطعة

 

الطريقة :

قبل ما تبداي الشربة ديالك لازم تكوني غليتي لمدة 30د حمص ديالك باش تستعمليه يجي يذوب فالفم ماشي يابس

من بعد

عمري القدرة بالماء كمية تكفي افراد عائلتك

و الخضر أيضا على حسب الماء

و حطي القدرة فوق النار

و تبداي تضيفي المكونات بارد في بارد كيما نقولو

4 حبات بصل طويل

2 حبات طماطم كبار الحجم منزوعين القشرة و الزريعة

1 حبة بطاطا متوسطة الحجم

4 حبات جزر كبار

2 حبات لفت صغار او وحدة كبيرة

ربطة صغيرة قصبر

اضيفي الحمص لي هدرت عليه سابقا

اضيفي الفول حب فقط مقدار طاسة شربة صغيرة يعني 300غ تقريبا

ملح

كركم

فلفل اسود

فلفل احمر عكري

شوية برك عود القرفة

1 ملعقة كبيرة بذور الكتان

شوية كروية

2 ملعقة كبيرة طماطم العلبة

ديري النار هادئة كامل و خلي الشربة طيب لمدة 1 سا و 30د

كي تكمل المدة نحي كامل الخضر ما عدى الفول و حمص

شللي مليح الفريك ديالك حتى يتنقى مليح و ضيفيه للشربة و هي تغلي

خلي الكل يغلي مدة

طفي النار

خلي القدرة تريح 15د او 30د حتى تتنفخ مليح الفريك

و قدميها مع الليمون

…شمس ساطعة

 

 

الطريقة :

اوّل حاجة أعصري كمية كبيرة من البرتقال

 Résultat de recherche d'images pour "‫عصير البرتقال‬‎" 3 كلغ   كامل عصرتها دارتلي اكثر من 2لتر

 

 

 

 

 

Résultat de recherche d'images pour "Stainless steel strainer"السر يكمن في أنك كل ما تعصري تجوزي السائل في صفاية باش تتخلصي من كل حاجة تخلي فقط السائل صافي 100%

 

 

 

 

 

 

Résultat de recherche d'images pour "cruche"طبعا السائل تحطيه في إناء زجاجي

 

 

 

 

كي تكملي كامل العصر

 

Résultat de recherche d'images pour "sucre dans l'eau"تحكمي اناء ديري فيه 1 كاس ماء مع 1 كاس سكر و تحركي حتى يذوب كامل السكر فيه

بعدها تضيفي هذاك السائل المسكر في الطاس لي فيه العصير الصافي.

 

 

 

 

علاش درنا السكر في الماء ؟

لأنّو السكر ما يذوبش في البرتقال تم تم بسبب الأسيد لي فيها لوكان تعانديها تبقاي كل يوم تحركي باش يذوب

لذلك هذه العملية راح تنحي عليك عناء تخرجي كل يوم الطاس و تحركيه لمدة 4 ايام

بعد ما تخلطي الماء المسكر مع سائل عصير البرتقال لي راهم في طاس زجاجي غطي الطاس بفيلم غذائي و ديريه في الثلاجة

و ديري ماء باش يبرد في الثلاجة

كل ما تكوني راح تستعملي العصير اجبديه و خلطي ربع عصير و الباقي ماء في الكاس و عاودي غطي الطاس مليح

ردي بالك يدخل الهواء الى العصير

يعني ما تغطيش الطاس بغطاء و خلاص ضروري فيلم غذائي

و السر في الانتعاش هو خلطه مع ماء بارد

و الا مايجيكش منعش.

 

Résultat de recherche d'images pour "‫عصير البرتقال مصفاة‬‎"

 

…شمس ساطعة

 

الطريقة :

قطعي المانجا مربعات صغيرة حتى تتحصلي على 4 أكواب من المانجا المقطعة

من بعد حطي كل كوب في كيس خاص بالتجميد و حطيها في المجمّد حتى تجمدا كامل و مليح

ضرك روحي جيبي كسرونة

حطي فيها 1 كوب من السكر + 2 كوب ماء + 1 ملعقة شاي +عصير الليمون

حطي الكسرونة فوق النار و حركي بملعقة لي ناكلو بيها ماشي الحطب خاطش تاع الحطب هي لي مرات تسبب تسكار العسيلة

و ابقاي تحركي حتى تغلي الشربات

بعد ما يغلي عاودي نقصي كامل للنار و خليها تغلي 7 دقائق من بعد طفي النار

كي تجمد المانجا خرجيها و خليها تقعد في حرارة المطبخ حتى تقدري تفكيها على بعضاها

حطي نصف الكمية في الخلاط

ملاحظة : ردو بالكم يتكسر الخلاط و تحصلو فيا  لازم يكون عندك خلاط صحيح ماشي تاع الطايوان

الان احكمي نصف كمية العسيلة لي طيبتيها و خليتيها تبرد خارج الثلاجة من بعد دخلتيها تبرد في الثلاجة

باش تستعمليها


حطي نصف الكمية على المانجا المربعات لي راهي داخل الخلاط و اشعلي الخلاط

و ابقاي طفي و تشعلي حتى تترحى كامل كمية المانجا لي استعملتيها

الان جيبي حاجة و حطي فيها المانجا المرحية

بعد ما ترحي الدفعة الثانية خلطي مليح مليح الدفعتين بالخلاط اليدوي حتا يتجانسو مليح

غلفي الوعاء بغشاء النايلون و حطيه في المجمد ليلة كاملة.

 

 

…شمس ساطعة

 

الطريقة :

حضري زيت في قارورة حطي فيها رند + سنات ثوم ماشي مفرومين + زعيترة + اكليل الجبل و خليها حتى يجي رمضان ان شاء الله باش تخدمي بالزيت الصلصة التالية : صفي كاس زيت منها لاستعماله في الوصفة

كاس ممزوج بين زيت و زيت الزيتون

ربع كاس خل أو ليمون

 نص كاس ماء دافي

 شوية معدنوس حب

 2 فص ثوم

 زعيترة

 ملعقة قهوة معمرة تاع خردل

 القليل من العسل

 ملح

 فلفل ابيض

خلطي كل شي في الخلاّط الكهربائي و بعدها حطي الخليط في قارورة زجاجية محكمة الغلق لازم ما يدخلش الهواء ليها راهي تفسد

اذا خفتو ديرو ورق الاكل لحمايتها من الهواء قبل وضع الغلاق

…شمس ساطعة

الطريقة :

في اناء حطي عدد البيضات لي حابة

زيدي عليها بصل مقطع مربعات صغيرة جدا

ملح

فلفل اسود

كمون

زعيترة حسب الرغبة

خلطي الكل

في مقلات ديري ملعقة مارغارين حتى ذوب

ارمي عليها الخليط

و نقسي للنار و غطي المقلات حتى يطيب من التحت اقلبيها و لديك الاختيار في عدم القلب

زينيها بورق المعدنوس

…شمس ساطعة