المكونات:
250 غ فرينة
2 ملاعق كبار نشاء
2 ملاعق كبار زيت عادي
3 ملاعق كبار سكر
2 حبات بيض
1 ملعقة صغيرة فانيليا
نص لتر حليب
ملعقة صغيرة خمارة الحلوى
شوية ملح
سكر أو عسل أو مربى حسب الرغبة
طريقة التحضير:
خلطّي كل المكونات السابقة مع بعض في الخلاط الكهربائي، وأمبعد حطّي الخليط في الثلاجة يرتاح مليح من 2 إلى 3 ساعات.
كي تخرجيه من الثلاجة وقبل ما تستعمليه خلطيّه شوية بملعقة برك مش بالخلاط باش يعاود يتجانس مع بعض.
طيبي البغرير الماريكاني تاعك في مقلاة تاع الكريب les crêpes، تحطّي حوالي فنجان صغير في المقلاة وخليه كي يحمار من التحت راح يظهرلك بلي طاب من الجوانب تاع حبة البغرير، أقلبيه على الجهة الأخرى، وواصلي هكا حتان تكملّي كل كمية العجين إلي خلطتيّه، وكي تكمليّهم ستفيهم في صحن التقديم و ديريلهم السكر أو العسل أو المربى كل حبة بغرير وحدها أو تقدري تديريهم على شكل طبقات محشيين بالعسل أو المعجون أو السكر.
… شمس راقية