لقد بشّرنا الرسول صلى الله عليه وسلم أحنا النساء وخاصة النساء إلي يعانو من أزواجهم ببُشرى رائعة وهاذي البُشرى تظهر من خلال الحديث النبوي الشريف التالي:  ” ما رأيت من ناقصات عقل ودين أذهب لِلُبِ الرجل الحازم من إحداكن”.

يدّل هذا الحديث على أنه أي إمرأة قادرة أنها تسلب قلب وتفكير زوجها مهما كان هذا الزوج عصبّي أو مِزاجي أو متقلب، بمعنى أن هذا الأمر سهل وفي متناول كل النساء والحمد لله.
أحنا كامل نعرفو أن المرأة خُلقت من ظلع الرجل وهذا الشيء يدّل على أنها هي مصدر الحب والحنان لزوجها، إذن فهي تملك أقوى سلاح يمكن أن تستخدمه المرأة وهو ” الحب”، ولازم عليها تستخدمه باش تتذوّق طعم السعادة الزوجية وتذوّقو لزوجها هو ثاني.
وباش تحققّي الأمر هذا وإلي هو ” السعادة الزوجية” لازملك تفتحي الزجاجة ( قلبك) وتخلّي ريحة عِطرك ( حُبّك) تفوح وتنتشر في كامل أجواء حياتك الزوجية بصفة خاصة وحياتك العامة ككُل.
بالشكل هذا نقدر نقلّك أنك رايحة تتمكنّي من كُل مفاتيح قلب زوجك وتملكيها في إيدك، أمالا مبروك عليك مُسبقاً.
إذن عزيزتي آن الأوان باش تفتحي زجاجة عِطرك وتخلّي عبيرك يعطّر المكان، ويقدر زوجك يشّم هاذي الروائح الزكية من خلال:

1. ابتسامتك الدائمة وإلي تزيد إشراقة لوجهك الجميل، لأنو قد ما زينّتي وجهك بالمساحيق باش تظهري جمالك، أكيد ما لازمش تستغناي على ابتسامتك لأنها راح تعطيك جمال أنثوي طبيعي، وماتنسايش أن الابتسامة في وجه أخيك صدقة، إذن ابتسمي لزوجك وتصدقّي كل يوم، وبالتالي رايحة تضربي عصفورين بحجر واحد.

2. عذوبة حديثك ورِقة صوتك وحلاوة لسانك، نعرفو أن رِقة الصوت ونعومته من علامات الأنوثة وهذا الأمر ضروري مع الزوج، لكّن الحاجة الي يمكن تكون خافية عليك أنو تكوني في قمة النعومة معاه وفي غاية القسوة مع غيره، هذا الشيء راح يبيّنك أنك انسانة متناقضة او أنك لابسة ثوب غير ثوبك كي تكوني معاه، وبالتالي ما تخليش تعنيفك لأبناءك يكون في حضور زوجك، راح يخليّه يدّي عليك انطباع سيء، عامليهم بحنان وإذا استلزم الأمر العقاب أجليّه حتى تكوني وحدك معاهم.

3. حنانك الفيّاض وعطفك وتسامحك وحسن أخلاقك، مهما كانت طبيعة زوجك القاسية مالازمش تعامليه النِد بالنِد، كوني متسامحة غالبا وتغاضي على سفاسف الأمور باش المركب تسير أولا وباش تبينيلو أنك متفهمة وناضجة وتقدرّي الحياة الزوجية ثانيا.

4. حركاتك الأنثوية الفاتنة الجذابة، ماتخليش نهار يفوت بلا ماتحسّي فيه بأنوثتك وتحسسّي زوجك بيها، أحيانا الزوج يحس بالانوثة في الشارع وفي التلفزيون والانترنت، وما يحسهاش في دارو لخاتش زوجته جاهلة بالأمور هاذي، لازم تدللّي عليه، تغازليه وتخليه يغازلك، أضحكي، ألعبي، أفرحي بحياتك.

5. ألبسي أجمل ماعندك وتزينّي وتعطرّي، ماتخبيهمش غير للمناسبات لخاتش النهار إلي يروح ماعادش يرجع والعمر يجري، واللبسة إلي تناسب جسمك وعُمرك الآن احتمال ماتوالمكش مستقبلا وتندمي عليها، إذن لا داعي للتأجيل.

6. دللّي زوجك كيما أدللّي ابنك الصغير ، الراجل يحتاج الحنان أكثر من أي شيء آخر، وإنتي هي مصدر هذا الحنان ماتبخليش عليه أمالا.

7. كي تكونو مع بعض خلي لُغة العيون هي الي تبيّنلو حبك ليه، أما كي تكونو بعاد على بعض ما تحبسيش من إرسال رسائل الحب والشوق لزوجك، يعني حاصريه حتى يتعوّد عليها ويولّي يستنى في رسالتك بكل شوق حتى ولو مايبيّنلكش الشيء هذا وأغلبهم يكونو هكا.

8. كوني كريمة معاه وما تبخليش عليه بوقتك وجُهدك ومالك، وماتنشغليش عليه بغيرو حتى ولو بأولادكم، لأنو إذا خليتي بلاصتك والتهيتي عليه بحوايج واهتمامات أخرى، تأكدي أنو ماأطوّلش بلاصتك وهي فارغة وتجي إلي تعمرّها في أقرب فرصة، أمالا كوني حذِرة.

في الأخير نقلّك أنو لازم تعرفي بلّي حنانك وأنوثتك هي إلي تخلّي زوجك يذوب في حُبك، وراح يعطيك قلبه وعقله وماله وحياته وكل حاجة تتوقعيها وماتتوقعيهاش، صدقينّي، فقط كوني صبورة ورايحة تشوفي النتائج على المدى القريب بإذن الله.
بعد كل هذا ان شاء الله تكوني اقتنعتي أنه آن الأوان باش تفتحي زجاجة عطرك وتتمتعي بحياة زوجية سعيدة ان شاء الله.

… شمس راقية

أمسكت سارة الفكَّة و وضعتها في يد قاطع تذاكر الحافلة ؛ و صُدِمَت عندما بدأ هو أيضا بالصراخ عليها و إهانَتِها و أَلْجَمَهَا الذُّهول لفعله المنحرف و سلوكه الظالم … و هو يتَّهِمُها بأنَّها رمت عليه الدَّنانير بعنف

و انتبهت إلى أنَّه يرمق الفتاة الأخرى (التِّي كانت على صفة الكمال من الملبس و الماكياج و العطر و الغنج و الدَّلال ) ويتبادل معها الضَّحكات و هو يرغي و يُزبِد و يطلب رضاها بهوان سارة التِّي لم يكن لها من كلِّ الرُّكاب نصيرٌ و لا معينٌ في مَظْلَمَتها هذه ؛ هنا انهارت كل أسْوار التَّحفُّظ من دنيا سارة و هاجمتها جيوش الشَّجى فنزلت من الحافلة باكيةَ الْقلب غزيرةَ دمعِ العيْن لاترى أمامها من الكَمَد لا تدري كيف طَوَتِ الأرض وصولًا إلى البيت لتنخرط أمام الجميع في نوبة بكاء مُضنٍ طالَ أمدُه لا أحدَ يعلم مابها؛ قد خنقتها الغُصَّة و توقَّف الكلام في حلقها و مضت تَرجوهم أن يَدَعُوها تُفْرِغُ الشّحنات و تحكي قصَّة الألم لاحقا

في هذه اللَّحظة يعود أسامة من العمل ؛ يُغلق الباب و يهُمُّ بالدُّخول صارخًا كالعادة على سارة التِّي لم تجهِّز الغداء بعد ؛ أسامة بالنسبة لسارة هو صورة أخرى من الظلم في المجتمع الذكوري : هو الأخ الذي له كل حقٍّ و ليس عليه أيُّ واجب ؛ يكبرها بعام فقط و لكنَّه الملك المُتَوَّج في البيت وعلى هذا كثيرا ما كانت تدور بينهما النِّقاشات و الملاسنات عند رغبته في مشاهدة المباراة متى شاء و استعماله الانترنت كما يريد في حين أنَّها هي لا تُهِمّ.

توقَّف الزَّمن و تعطَّل الرُّوتين في اللحظة التِّي رأى فيها أسامة أختَه سارة تبكي بنزْعٍ مرير و تخطَّفته الظُّنون و مضى يسأل الجميع: “ما بها؟” ثمَّ نزل عليها : “ما الأمر يا سارة؟ ؛ أَرْعَبْتِنِي ماذا حدث؟ ؛ مايبكيكِ هكذا؟ ؛ هل من مصيبة؟ ؛ أوقَفتِ قلبي يا سارة ؛ تكلَّمي باللَّه عليك؟” ؛ سارة عندما رأت ما وقع على أهلها من الخوف و الرِّقة لها بدأت تُخبرهم بالقصَّة في خليط من الحزن و الدَّمع و القهر و كلِّ أنواع السوائل ؛ شَكَتْ لهم بحالها الظُّلم و الهوان على الناس و قلَّة الحيلة…؛أسامة الأخ التَّقليدي طلب من سارة أن تكفَّ عن البكاء و ترك البقيَّة يطيِّبون خاطرها و خرج من البيت -بدون غداء هذه المرة- بعد أن أخذ منها معلومات وافية عن خطِّ الحافلة حيث عَلَّمَ الْهَوِيَّة .

نزل أسامة إلى الشارع و الغضب يَفُتُّهُ و حمل في يده عصا و مضى إلى محطَّة الحافلات في الحي و عينه تقدح شررًا و الحنق قد أخذ بأوصاله فالتقاه صديقه زيد و مشى في عَقِبِهِ يسألُه : “ما الأَمرُ يا أسامة؟ ؛ ما بك يا صاحبي؟” … ثمَّ لم يلبثِ الأمر الا قليلا حتَّى علا في الحيِّ منادي : “أسامة راح يضَّارب”  فنزل كلُّ شباب الحيِّ في أيديهم العِصِيُّ و الْحجارة قد عوَّلوا على الشَّرّ و بيَّتوا النِّيَّةَ في نُصْرة بن الحيِّ لا يعلمون دليلا و لا يطلبون شاهداً ؛ و ما أذَّنَ الظُّهر إلَّا وقد وصلت الحافلةُ تَجُرُّ خطَّ سيرِها المعتاد و وقفت في المحطَّة تريد أن تُنزِل بعض الزَّبائن و تحملَ آخَرين ؛ و لم يُرَع الرُّكَّاب إلَّا و قد أحاط بها عشرات الشبان و الغضب يعلو المحيَّا و الشَّر يقدح في الأجواء و أحاطوا بالحافلة من كلِّ جانبٍ يطلبون قاطع التَّذاكر و يبحثون عنه و كُلُّهم يطمع أن يكون أول من يمسك به ؛ و أنزلوا الرُّكَّابَ و عمَّ الهرج و المرج و صار الناس يصرخون في طلب النَّجاة  و رأى أحدُهم الشَّابَ المطلوبَ يختبئ في احد أركان الحافلة يريد الفرار فانقض عليه من الخارج و امسك بخناقه يدعمه بعض الشَّباب و أخذوا يُخرجونه من نافذة الحافلة ثمَّ أوقعوه أرضا و بدأوا يدوسونه من كل جانب و نادوا أسامة : “هو دونك”  فهجم أسامة عليه و قد أخذ بتلابيبه يهزه هزا منكرا : “واش دَّاك للطُّفلة” قالها صارخاً بأعلى صوته و الغضب متمكِّن من وجدانِه فمضى الجاني ينفي تارةً و يُبرِّر أخرى و يعتذر أحيانًا و يطلب الصَّفح و هو يبكي بالصَّوت العالي ثمَّ تدخَّل صاحب الحافلة (و هو رجل كبير) يهدِّئُ الوضع و يدعو لتحكيم العقل  فتوجَّه إليه الجميع يسألونه أين كان عندما كان الفتى يُهين ابنة الحيِّ؟ و كيف غابت حكمته التِّي أبداها الآن؟ و ماذا فعل بضميره ليتواطأ على ظلم بنات الرجال؛  فناشدهم  العفو و الصَّفح له و للفتى و أقسم لهم بكلِّ الأيْمان أنَّهم إنَّما مخطئون غافلون و أنَّهم لن يعودوا إلى فِعلَتِهم أبدًا ؛  فهمَّ الشباب بهم يريدون أن يُبرِحوهم ضربًا و يحرقوا الحافلة لا يَقبلون منهم قولًا و لا صرفًا ؛ فوقف أسامة دونهم و خشي العاقبة و خاف على الأرواح فناشدهم الهدوء و دفعهم عن الشَّاب و سألهم أن يتركوه هو يقضي فيه بحكمه و حال بين الشباب و الرَّجلين و لم يتوقف الهرج إلاَّ بعد أن طلب من أصدقائه الإنصراف و أخبرهم أنَّ حقَّه قد وصله و طابَتْ نفسه ؛ فانصرف عزيزا و مضى الآخَرُ ذليلًا به من الجراح ما يذكِّره بفعلته ؛ و لم يُشاهَدْ بعد ذلك اليوم على خط النَّقل ذاك.

أمَّا سارة فقد أدركت أنَّ العزَّة لله جميعا ؛ و أنَّ كلَّ من في الأرض لو اجتمعوا على نصرتها لم يفعلوا شيئا ؛ و أنَّ الله لو شاء لعبده رزقًا او نصرًا او عزًّا لساقه له على أعناق الرجال أو فوق أجنحة البعوض ؛ فألزمت نفسها الرِّضا و اتَّخذت اليقين و التوكُّل لها شفيعا و الله حسبها .

“عن قصة حقيقية”

اقراي الجزء الأوّل من هنا 

…شمس هنية

نضن كامل كي تشرو منتج ما تلقاو فيه الصورة لي تبين الباركود ديالو

هذا الباركود او le code à barre  عندو معنى ماشي محطوط شباح ^^

في هذا المقال راح نعلمكم تقراوه ان شاء الله و بيه تولو تعرفو اذا تشرو هذاك المنتج أم لا

مثال : مرات اصحاب المحلاّت يخدعونا بيه و يقولك راه جاي من اسبانيا او فرنسا و لكن في الاصل هو جاي من الصين

المهم نبداو الدرس

أوّل حاجة لازم تعرفيها

علاش يحطو الباركود في المنتج ؟

يحطوه باش يدخلوه في قاعدة البيانات تاع الانتاج او تاع اقتناء السلع

راكي شفتي مثلا كي تدخلي للمتجر لي عندو هذاك الحاسوب بالماسحة الضوئية يعني la douchette  يمرّرْ على المنتج باش يعطيك السعر و بالتالي هو يدخلو في قائمة المبيعات بلي خرج خلاص و مول المحل يخرجلو شحال دخّل دراهم (يعني رفهتيه ^^)

المهم هوما 2 انواع كاين لي فيه خطوط متوازية

و كاين لي يجي على شكل مربعات داخلة في بعضاها

الباركود فيه 12 رقم

الستة الاولى هي تاع المصنع اذ تلقايها في كامل منتجاته يبدأ الباركود بنفس الارقام

الارقام الخمسة لي بعد الستة هوما مخترعين من طرف الشركة المُنتِجة يعطوها لهاذاك المُنتَجْ بدّات

الرقم الاخير هو الرقم لي يتحقق من انو الماكنة لي تقرا الباركود قراتو مليح ولا لالا

حان الأهم في كل هذا الدرس لي هو واش يعنيو الارقام الثلاثة الأولى و من اي بلد هذا المنتج

الآن راكم عرفتو كيفاش تقراو الباركود نعطيكم مثال على منتج لي ممنوع بتاتا تشروه و نضن راكم لاحظتوه 

و هو صُنِعَ في اسرائيل 

… شمس ساطعة 

العمل ، المهام المنزلية ، و النشاطات الاجتماعية يأثّروا على حجم الوقت اللِّي يقضيوه أفراد الأسرة مع بعض ؛ كي تزيديلها الواجبات الأخرى المرتبطة بنشاطات مابعد المدرسة : مشاوير السَّياَّرة ؛ إعداد الوجبات ؛ الوظائف المدرسية ؛ تنظيفات المساء ؛ وقت النوم ؛ و حتى اذا كنا محتاجين نطيّبو فنجان قهوة أو نرتّبو السرير نحسُّو دائما بلِّي ماعندناش وقت ؛ و لكن تقاسم الأوقات المميَّزة و الحميميَّة بالنِّسبة للأطفال هو حاجة مُلِحَّة و عامل نُمُوّ مهمّ و عنصر سعادة ؛ الوقت باختصار هو الحُبّ :  تمضيَّة الوقت مع الأطفال هو طريقة لقول “أنا أحبك” و كي ما نمدُّوش الوقت بالنِّسبة ليهم هذا معناه بلِّي “مانحبُّوهمش” .

التَّحدِّي هو في تقدير الفروق الدَّقيقة الحسَّاسة لطفولة أولادنا لأنو السِّنين و الأيَّام تمرّ مَرَّ السَّحاب : وْليد 5 اشهر يولِّي عندو 5 سنين في رمشة عين ؛ كلّ يوم يفوت علينا مع أطفالنا راهم يكبرو فيه و تتغيَّر المعالم و تَحدُث المعجزات و تخلق الرَّوعة .

الطِّفل مهما كان سنُّو يحتاج يعيش وقت خاصّ مع والديه كلّ يوم و لو لبضع دقائق : فضلاً على تقويَّة روابط الثِّقة رُفقة الوالدين تعزّز منطقة في مخّ الطِّفل تساهم في جعلو ذكيّ و خلَّاق و متحفّز و فضولي ؛ هذا الوقت ينمِّي عندو الإحساس بمتعة الحياة ، و الأوقات المميَّزة و الحركات العاطفية و الحنان يخلِّيو الصّغير يحسّ بلِّي راهو محبوب و غالي و في أمان و هذا اللِّي يخلِّيه يكبر واثق في نفسو و قادر ينمِّي مهاراتو الإجتماعية بينما الإبتعاد عنُّو يخلِّيه يفكّر بلِّي “إذا لم أحصل على انتباهم بشكل جيّد فساحصل عليه بعمل شيءٍ سيِّء“.

واش معناها تقضي وقت مع طفلك ؟

أكيد مش معناها ديرو دائما حوايج أو خرجات كبيرة و فوق العادة ؛ الفكرة هي أنّك تكوني مُتاحة و متوفّرة ليه مايوقف بيناتكم لا هاتف و لا تابلات  و لا شْغُل في يدِّيك ؛ لأنُّو يحتاج يشوف شكون انتي؟ و كيفاش تعيشي حياتك؟ …كاينة فعليا 940 أسبوع بين ولادة طفلك و دخولو للجامعة معظمها يروح في النّوم و اللّعب و الدِّراسة و النَّشاطات اليوميَّة ؛ كي يكون عمرو 5 سنين تكون جازت منها 260 أسبوع و كلّما يكبر وليدك كلّما تصبح أسابيعو أكثر انشغالاً عنك بدراستو و أصدقاؤو و نشاطاتو …الحقيقة أنَّنا نقضيو مع أطفالنا ساعات قليلة كل أسبوع لذلك حاولي فقط تخلِّي الدَّقائق المعدودة اللِّي تعيشيها معاه كلّ يوم مميَّزة و عوّضي الكميَّة القليلة من الوقت بجدولة نوعيَّة رفيعة منُّو : “ساعتين في الحديقة ؛ أمسية رسوم متحركة ؛ عشوة بيتزا من المطعم ….”

فِكْرْك في الأوقات المشتركة مع اولادك (اللي بذلتي جهد في الحصول عليها)  لازم مايكونش في مكان آخر لأنّك في هذي الحالة راح تفقدي طفولتهم تمامًا كما لو أنّك غايبة عنهم : أبقاي مْرَكّزة معاهم ؛ تشوفي فيهم ؛ تسمعيهم ؛ تفهميهم و تكوني مسرورة بواش صنعتي فيهم ؛ تعيشي و تتنفّسي معاهم معجزات التَّعلُّم و النُّموّ .

1. أقضي معاهم وقت راس براس :

ديرو حاجة تحبُّوها بين 2 مهما كانت الأسرة كبيرة ماتعجزيش تخصّصي الوقت لكلّ واحد وحدو : “روحي مع بنتك للعرس او خليها تحضّر معاك الكيكة” ؛ “تمشَّاي مع وليدك و هو يسوق الدَّرَّاجة”…. .

• 2–  دخلِّي الوقت المشترك في جداولكم اليومية :

الأطفال يحبُّو يعاونو : رايحة طيّبي خلّيهم يغسلولك الخُضْرة ؛ رايحة تشري ديريه وقت للمتعة معاهم ؛ راهي تبانلك فوضى و خدمة فوق الخدمة و لكن تأكّدي مع الوقت تلقايهم أكبر معين ليك و كلّما استرجعوا ذكرياتهم راح يقولو بلِّي وقت تحضير العشاء كان دائما وقتهم الخاص الجميل معاك .

• 3– ماتتلاقاوش حتى ال3 تاع العشية :

تقدري دائما تبيّني لهم بلي راهم في بالك : أكتبي ملاحظات تعبّر على حبّك و حطِّيها في محافظهم .

• 4– أوقات الرَّاحة :

مهما كنتِ مشغولة كَرّسي أوقات الراحة كأزمنة خاصة لأطفالك : ديري المؤقت على 15 دقيقة او نصف ساعة خلِّيهم يعرفوها وقتاش تبدا و وقتاش تخلاص ؛ و كي يبقاو غير 2 دقايق نبّهيهم باش مايتصدموش كي تخلاص المدة ؛ إذا بانتلك 15 دقيقة قليلة ماتخافيش بالنِّسبة للطِّفل هي وقت طويل من الرَّوعة .

• 5– ديرو أحاديث البيجاما :

ساعة النوم نتاع الأطفال بالنسبة ليك وقت فوضى و ضغط ؛ و مع ذلك هذا وقت جميل يقضوه معاك مش مع التلفزيون ؛ المفتاح هو البيجاما إحدى التِّقنيات لتهدئتهم -كي تكوني مستعدة-وجّديهم للرّقاد : يغسلو أسنانهم و وجوههم ويلبسو ملابس النّوم و اقضي معاهم 15 دقيقة في المحادثة و المعانقة و الضّحك  ؛ دغدغيهم ؛ تكلّمي معاهم في كلّ ما يهمّهم ؛ اطرحي أسئلة و انظري ليهم باهتمام و هوما يجاوبو ؛ ديريلهم “ماساج” ؛ غنِّيلهم أغاني ؛ احكي لهم قصَّة ؛ أقراي لهم كتاب أو أقراو مع بعض …من المفيد كذلك بعدما يتعشَّاو و كي تروحي تغسلي لماعن يدِّيهم باباهم يحوسُّو برَّا شويَّة يضربو دورة في الحيّ بالبيجاما و يرجعو جاهزين تماما للنَّوم .

• 6– ديري “ليلة المحاجب” :

 وقت العشا في حد ذاتو مميَّز زيدي ميّزيه بتخصيصو بوجبة معيَّنة ؛ الفكرة راح يحبُّوها الأطفال  “ليلة البيتزا” مثلا ؛ “ليلة المحاجب” ؛ “ليلة السردين”… هكذا تحمّسيهم و تعطيهم متعة على الطَّابلة و يقدرو يهدرو على يومياَّتهم و يحكيو أكثر على أخبارهم .

• 7– ديرو تصليحات مع بعض :

عمرو باباهم ما يخدم السّيارة أو يصلّح الحنفية أو يركّب الكرسي أو يصبغ النَّافذة أو يبدّل مقبض الباب بدون أطفالكم باش تعلّموهم على الأدوات و الحياة ؛ هذي طريقة تورِّيولهم كيفاش لحوايج يخدمو و كيفاش نصلّحوهم بأمان دائما أعطيهم لمحة و اشرحي لهم واش راكم ديرو .

• 8– في الطريق :

اللَّحظات القليلة اللِّي نقضيوها مع أطفالنا في الطّريق : “كي نكونو رايحين للمدرسة أو بيت جدهم أو الحانوت…” هي أوقات ثمينة ماتضيّعيهاش دائما في وسائل النَّقل طلبًا للرَّاحة ؛ حاولوا أحيانا تروحو تمشيو : المشي مع أطفالكم هو طريقة رائعة للتَّمهُّل في الحياة و أخذ لحظات أكثر تفصيلا معاهم ؛ تكلّمو على وين راكم رايحين؟ و واش راكم تفكرو؟  اسأليه كيفاش كان يومو؟و واش تشوفو في الطريق؟ احكمي يديهم …في حصصهم “تمارين رياضة ؛حلقات تحفيظ…” حاولي تلقاي مكان تقعدي فيه تستنايهم طيلة الساعة او الساعتين اللي يغيبوها .

• 9– ألعبوا ألعابهم :

من أجلهم تعلّموا ألعابهم الإلكترونية ؛ لازم تتقْني هذا الجزء من عالم طفلك لماذا؟  أوَّلًا لأنُّو طفلك راح “يغلبك” كي دخلتو مجالهم و انتي راح تولّي ديري جهدك ماتخليهش يغلبك و لكن مليح الطفل يشوف والديه يتْغلبو و ينْهزمو راح يعرف بلي راهم بشر ؛ ثانيا : الطِّفل راح يمرح بزَّاف و يضحك على قلَّة براعتكم و أخيرا  بعض الألعاب تعويض عن الحياة الواقعية لأنّها تقليد للنَّشاطات الحقيقيَّة كيما تنس الطَّاولة ؛ البولينغ  كرة السلَّة ؛ ألعاب الطَّبخ و التَّنظيف و لكن ديري حدّ للوقت ماتخلِّيش الواقع الإفتراضي ياخذهم من حياتهم .

• 10– تناولو بوظة و رقائق الذرة :

أنشئي تقاليد خاصَّة للنَّشاطات المَرِحة و خلِّيها محدَّدة مش دائمة يعني في أياَّم الصَّيف السّخونة عندنا الجمعة العشيَّة ناكلو بوظة و في الشّتا البارد أمسيات التِّلفزيون مع الكاوكاو أو الفشار ؛ القيمة مش في الطَّعام في حدّ ذاتو و إنما يوصّلنا للهدف : كي الأطعمة الخاصَّة و النَّشاطات المَرِحة تحفّز المحادثات و تصنع الذِّكريات .

لازم تعرفي بلِّي انشغالكم الدَّائم على أطفالكم و صعوبة توفُّر الأوقات ليهم يخلّف عندهم إحساس بانعدام الأمان و حالة من التَّوتُّر و اجتماعكم راح يولِّي غير محبَّب ؛ دائمًا أشرحي لطفلك أسباب غيابكم غير العادي و قوليلو بلِّي رغبتك في البقاء معاه أهم شي عندك باش تخلقي عندو حالة من التَّعاطف إضافة لشعورو بالرِّضا ؛ الأهمّ في الأوقات المميَّزة مع أطفالك مش المدَّة و إنَّما الحضور الذِّهني و العاطفي .

…شمس هنية